NV NE SV SE


Sjómaðurinn 9 tbl. 2008


Smelltu á myndina til að skoða rafræna útgáfu (PDF) af nýjasta tölublaðinu.
1.9.2010 | Geir A. Guðsteinsson

Leyfilegur þorskafli samkvæmt aflahlutdeild er 147 þúsund tonn á nýbyrjuðu fiskveiðiári

Nýtt fiskveiðiár hefst í dag, 1. september og stendur til 31. ágúst 2011. Leyfilegur heldarafli í óslægðum þorski er 160 þúsund tonn en þar af eru 147.328 tonnum skipt samkvæmt aflahlutdeild. 12.672 tonnum er ráðstafað í sérstakar úthlutanir, eða tæpum 8% af heildaraflamarki. Þessar sérstöku úthlutanir eru 1.545 tonn í skel- og rækjubætur, 2.952 tonn í byggðakvóta, 3.375 tonn í línuívilnun og 4.800 tonn í strandveiðar. Heildaraflamark í ýsu er 50 þúsund tonn en 3.500 tonn fara í sérúthlutanir en um 46.500 tonnum er skipt samkvæmt aflahlutdeild. Heildaraflamark í ufsa er 50 þúsund tonn en þar af fara tæp 1.800 tonn í sérúthlutanir, þar af 1.200 tonn til strandveiða.
Lesa alla frétt >>



31.8.2010 | Geir A. Guðsteinsson

Aflaverðmæti hefur aukist um 32,4% milli ára fyrstu fimm mánuði ársins

Aflaverðmæti íslenskra skipa nam rúmum 57 milljörðum króna á fyrstu fimm mánuðum ársins 2010 samanborið við 43,1 milljarð króna á sama tímabili 2009. Aflaverðmæti hefur því aukist um tæpa 14 milljarða króna, eða 32,4% á milli ára. Aflaverðmæti botnfisks var í lok maí orðið 43,7 milljarðar króna og jókst um 29,5% frá sama tíma í fyrra þegar aflaverðmætið nam 33,8 milljörðum króna. Verðmæti þorskafla var um 22,2 milljarðar króna og jókst um 31,5% frá fyrra ári. Aflaverðmæti ýsu nam 7,6 milljörðum króna og jókst um 11,8%, en verðmæti karfaaflans nam um 5,8 milljörðum króna, sem er 24,2% aukning frá árinu 2009. Verðmæti ufsaaflans jókst um 31% milli ára og nam rúmum 2,7 milljarði króna fyrstu fimm mánuði ársins.
Lesa alla frétt >>
31.8.2010 | Geir A. Guðsteinsson

Tuttugu og tveir sóttu um stöðu fiskistofustjóra

Þann 27. ágúst sl. rann út frestur til að skila umsókn um embætti fiskistofustjóra, en fráfarandi fiskistofustjóri, Árni Múli Jónasson, hefur verið ráðinn bæjarstjóri á Akranesi. Embættið er greinilega eftirsóknarvert því 22 sóttust eftir því.

Umsækjendur voru Aðalsteinn Þorsteinsson, Dagmar Sigurðardóttir, Davíð Egilson, Eyþór Björnsson, Gísli Rúnar Gíslason, Grétar Mar Jónsson, Guðmundur Einar Jónsson, Gylfi Ástbjartsson, Halldór Ó. Zoëga, Haukur Nikulásson, Ingólfur Sveinsson, Jón Örn Stefánsson, Pétur Bjarnason, Sævar Ásgeirsson, Valbjörn Steingrímsson, Valtýr Hreiðarsson, Viðar Ólason, Vilhjálmur Wium, Þorsteinn Þorsteinsson, Þórður Már Jónsson, Þórður Heimir Sveinsson og Þórhallur Ottesen. Ráðið verður í stöðuna innan tíðar.

 

Eldri fréttir


Nýjar bloggfærslur